Ақтөбеде университет ұжымы жаңа Конституцияның жобасын талқылады

«Жаңарған қоғам үшін жаңа конституция қажет». Конституциялық реформаны, заңнамадағы өзгерістерді талқылаған ақтөбелік ғалымдар осындай пікір айтты.

Сақтаған Бәйішев атындағы Ақтөбе университетінің ұжымы жаңа конституция жобасын талқылады. Заң факультетінің ұстаздары Ата заңның әр бабына арнайы тоқталып, студенттердің сұрақтарына жауап берді. Болашақ құқық қорғаушылар әлемдік тәжірибеде бар «Миранда» қағидасының конституцияға енгізілгенін ерекше құптап отыр. Ең бастысы, бұл өзгерістер ел тұрғындарының қауіпсіздігі мен қоғамдық тәртіп үшін қажет, дейді ғалымдар.

Шыныбек Бұқарбаев, С.Бәйішев атындағы Ақтөбе университетінің проректоры:

Қазір заман өгерді, қоғам өзгерді, әлеуметтік-экономикалық жағдайымыз өзгерді. Осыған байланысты кейбір баптарды жаңартудың қажеттілігі туып отыр. Міне, табиғи ресурстарға байланысты, цифрландыруға байланысты сондай ірі-ірі өзгерістер болып отыр.