Жаңа Конституцияның жобасы талқыланды

Жаңа Конституция жобасы ел егемендігі мен дербестігін нығайтуға, саяси жүйені жаңғыртуға және қоғамдық дамудың жаңа моделін қалыптастыруға бағытталған. Президенттік орталықта бас қосқан азаматтық қоғам өкілдері, Ұлттық құрылтай қатысушылар осылай деді. Сарапшылар сөзінше, Ата заң жобасында азаматтық қоғамның рөлін күшейтіп, білім мен ғылым, мәдениет пен инновация стратегиялық дамудың негізгі тетігі ретінде қарастырылған. «Оған қоса, геосаяси ахуал күрделі кезеңде бұл құжат ішкі тұрақтылықтың өзегіне айнала алады», - дейді жиынға қатысушылар.
Ерлан Саиров, ҚР Парламенті Мәжілісінің депутаты:

Жаңа Конституция тұрақсыз замандағы тұрақты Қазақстанды қалыптастыратын негізгі құжат. Ең негізгісі - Қазақстанның егемендігі мен тәуелсіздігі мызғымайтындығы және мемлекет тәуелсіздік пен егемендікті қорғайтындығы жазылған. Мұндай баптар бұрынғы Конституцияда жоқ.