Балалар арасында қызылша жұқтырғандар көбейді

Ақтөбе облысында балалар арасында қызылша жұқтырғандар көбейді. Жыл басталғалы емдеу мекемелеріне жүзден астам адам келген.
Оның 88-іне нақты диагноз қойылды. Вирус жұқтырғандардың көбі Ақтөбе қаласынан. Сондай-ақ Темір, Алға, Шалқар, Ойыл және Мұғалжар аудандарынан бар. Эпидемиолог мамандардың айтуынша, ауырғандардың 17-сі - нәресте, 57-сі 1 мен 4 жас аралығындағы балалар. Науқастармен байланыста болған жақындары да үш апта бойы дәрігерлердің бақылауында болады. 2024 жылы өңірде 3700-ден астам тұрғын қызылша жұқтырған. Одан кейін қосымша вакцинациялау жүргізілді. Нәтижесінде былтыр облыс бойынша барлығы 32 адамнан ғана вирус анықталған.