Испан ғалымы ұйқы безінің қатерлі ісігін емдейтін дәрі ойлап тапты

«Ұйқы безінің қатерлі ісігі емделеді». Испан ғалымы обырды емдейтін дәрі ойлап тауып, ғылымда тың жаңалық ашты. Дәрігер Мариано Барбасид тышқандардағы ұйқы безі қатерлі ісігінің агрессивті түрін үш дәрілік комбинацияны қолдана отырып, сәтті жойған. Испания ұлттық онкологиялық орталығында жасалған сынақ нәтижесінде тышқандардағы ісіктер ешқандай жанама әсерсіз жоғалған. Бұл емді медицинада қолдану үшін зерттеушілер клиникалық сынақты енді адамдарға жасауы тиіс.
Мариано Барбасид, Испанияның Ұлттық онкологиялық орталығының ғалымы:

Біз жануарлардағы ұйқы безінің қатерлі ісігін емдеуде тұрақты регрессияға қол жеткіздік. Енді біздің мақсатымыз - адамдардың ұйқы безінің қатерлі ісігін емдеу. Клиникалық сынақтарды жақын күндері бастаймыз. Және бұл онкологиялық аурумен күресте бетбұрыс болады деген сенімдеміз.