Елімізде электромобильдер 30 есеге артқан

Ұлттық статистика бюросының мәліметінше, соңғы 3 жылда елдегі электромобильдер саны 30 есеге артты. Былтыр қыркүйекте 16 мыңға жуық электромобиль есепке алынған. Бұл көрсеткіш 2024 жылдың сәйкес кезеңімен салыстырғанда шамамен 40 пайызға көп. Электромобильдердің 9 мыңнан астамы Алматыда, ал Астанада 2 мыңға жуығы тіркелген. Алматы облысында 927 көлік бар. Электромобиль ең аз өңірлер: Абай, Ұлытау және Түркістан облыстары.