Конституцияға «Экология және адам денсаулығы» деген тармақ енгізу ұсынылды

«Байтақ» жасылдар партиясы Конституцияның 8-бабына «Экология және адам денсаулығы» деген жеке тармақ енгізуді ұсынды. Партия төрағасы Азаматхан Әміртаевтың сөзінше, жерді, суды және табиғи ресурстарды пайдалану кезінде экологиялық қауіпсіздікке басымдық беру қажет. Себебі қоршаған орта – мемлекеттің, бизнестің және әрбір азаматтың ортақ жауапкершілігі. Сондықтан экологиялық саясат ашық, әділ және нақты нәтижеге бағытталуы тиіс. Жиналғандар табиғатты аялау бұл – тек ұран емес, халықтың денсаулығына, өмір сапасына және болашақ ұрпаққа тікелей әсер ететін факторлар екенін атап өтті.