Констиуцияның жаңа жобасында заң үстемдігі мен руханиятқа мән берілген

Констиуцияның жаңа жобасында азаматтық қоғамды дамыту, қазақ халқының тарихи мұрасы мен руханиятының үздіксіз дамуына ерекше мән берілген. Бұл өзгерістер елдің рухани әлеуетін арттыруға және қоғамның үйлесімді дамуына жол ашады, дейді зиялы қауым өкілдері.

Аманжол Әлтай, Мәжіліс депутаты:

Ата Заңның преамбуласын қарасақ, мұнда азаматтық қоғам қалыптастыруға, «заң мен тәртіп» қағидаты, сонымен бірге мыңжылдықтардағы біздің мәдениетіміздің, руханиятымыздың, әдеибетіміздің үзілмеген желісін жаңғырту да осының барлығы заң жобасында қарастылған.

Дәулеткерей Кәпұлы, Қазақстанның еңбек сіңірген қайраткері, ақын:

Мемлекет қамқорлыққа алатын ең бірінші руханият саласы болуы керек.  Ең бірінші мәдениет саласы болуы керек. Оның ішінде шығармашылықпен айналысатын адамдар мемлекеттің құндылығы саналуы керек. Осы тұрғыдан келгенде біздің Ата заңымызды шығармашылыққа, руханиятқа, мәдениетке еркіндік берілетін тұстары бар.