Петропавлда нысандардың виртуалды нұсқасы жасала бастады

Петропавлда маңызды нысандардың виртуалды нұсқасы жасала бастады.

Кез келген адам үйден шықпай-ақ 3D форматта жасалған модель арқылы түрлі мекемелердің жұмысымен таныса алады. Бірінші кезекте білім беру, мәдениет нысандарының виртуалды нұсқасы әзірленбек. Әр кабинеттің ұсақ детальдарына дейін көруге болады, дейді жоба авторлары.  Виртуалды нұсқаны жасау үшін ғимарат ішінде түсірілген фото және видеоматериалдар қолданылады.

Рахат Киікбай, жоба авторы:

Ешқайда бармай-ақ креативті орталықтың барлық жерін көруге болады. Тұтынушы жан-жақты ақпарат ала алады. Бір ғимараттың виртуалды нұсқасын жасау үшін шамамен бір апта уақыт қажет. Көшемен қатар жанында орналасқан нысандар да көрінеді.