Ұйымдасқан қылмыстық топты ұстады

Еліміздің бірнеше аймағында ұйымдасқан қылмыстық топтың жолы кесілді. Ұсталғандар қару-жарақты сақтау және сату, бопсалау, ұрланған автокөліктерді заңдастыру және басқа да қылмыстарға қатысы бар деп айыпталып отыр. Бұл ұйымдасқан қылмыстық топқа қарсы арнайы операция барысында іске асты. Ұстау шаралары бір мезгілде Алматы мен Шымкент қалаларында, сондай-ақ Ақтөбе, Алматы, Шығыс Қазақстан, Жамбыл, Абай және Жетісу облыстарында өтті.

Операция барысында 20 адам ұсталды, олардың оны уақытша ұстау изоляторына қамалды. Тінту кезінде күдіктілерден атыс қаруы, оқ-дәрілер, есірткі заттары, ірі көлемдегі ақша қаражаты және басқа да заттай дәлелдемелер тәркіленді. Сотқа дейінгі тергеу жүргізілуде.