Жапонияда сайлау қарсаңында елді қалың қар басты

Жапонияда қаңтардың 20-нан бері боран салдарынан қаза тапқандар саны 45-ге жетті. Ал жараланғандар 500-ден асып кеткен. Мұны осы елдің Өртпен және апаттармен күрес басқармасы хабарлап отыр.

Жергілікті метеорологиялық агенттіктің болжамынша, Жапонияның солтүстігі мен Нигата префектурасында ертең де қалың қар жауады. Соның салдарынан 36 жылдан бері алғаш рет қыста өтетін жалпыұлттық сайлауда дауыс берушілер саны әдеттегіден төмен болуы мүмкін.