Мароккода тасқын қаупіне байланысты 143 мың адам эвакуацияланды

Мароккода соңғы күндері төпелеп жауған жаңбырдың мөлшері былтырғы жылдың көрсеткішінен 215 пайызға асып кеткен. Қазір топан суда қалған елді мекендер мен қалаларда құтқару операциялары жалғасып жатыр.

Бірталай өзеннің деңгейі арнасынан асып кетен. Ал төгілуге жақындаған дамбалардың суын ортайту қажет болып отыр.

Елдің ішкі істер министрлігінің дерегінше, тасқын күшейген солтүстік-батыста жалпы алғанда 143 мыңнан астам адам қауіпсіз жерге көшірілді.  Дегенмен, құрбандар туралы мәлімет түскен жоқ.