Белградтағы баскетбол матчында Қазақстанның туристік әлеуеті таныстырылды

Белградтың «Партизан» және Афинаның «Панатинаикос» клубтары арасындағы баскетбол Еуролигасының матчы аясында Қазақстанның туристік әлеуеті таныстырылды. Еліміздің Сербиядағы елшілігінің бастамасымен 18 мың жанкүйер жиналған «Белград аренаның» экрандарында «Born Bold Kazakhstan» туристік роликтері көрсетілді. Және  отандық әуе компания ашқан «Астана-Белград» тікелей рейсі жайлы мол ақпарат таратылды. Сондай-ақ жанкүйерлер «Партизан» клубы ұсынған айып добын лақтыру байқауына қатысты. Ойынның жеңімпазына еліміздің Сербиядағы Елшісі Мәди Атамқұлов Қазақстанға тегін сапарлау  сертификатын табыс етті. Саяхат шығынын сербиялық кәсіпкер көтермек.