Депутаттар мен жастар жаңа Конституция жайлы пікір алмасты

Алматыда Мәжіліс депутаттары мен белсенді жастар жаңа конституция жобасын өзгеше форматта талқылады. Кездесу барысында жастар екі топқа бөлініп, өзара пікірталас өткізді. Ұсыныстарын ортаға салды. Мәжіліс депутаттары жастардың пікірін тыңдады. Сонымен қатар шара аясында Құрылтай, Халық кеңесі, Конституциялық сотқа қатысты сұрақтар жасанды интеллектіге қойылып, алынған жауаптар талқыланды. Бұл бөлімде де депутаттар сарапшы ретінде пікір қосты.

Жанарбек Әшімжан, Мәжіліс депутаты:

Конституция Преамбуласынан бастап, ең соңғы сәтке дейін бұл адамға бағдарланған жоба ғой. Сондықтан адамға қатысты, адамның ар-ождан бостандығы, адамның құқығы, мына сот жүйесіндегі әділеттілік, тазалық, заң мен тәртіп қағидасы дейтін ұстанымдарға қатысты біздің жастардың ойы ерекше қалыптасып келе жатқанына ризамыз.