Ақмола облысында ₸1 трлн инвестиция жобалары мақұлданды

Ақмола облысында жалпы құны 1 трлн теңгеге 6 инвестициялық жоба іске асырылмақ. Өндіріс ошақтарында 5 мыңға жуық адам еңбек етеді. Аталған жобалардың бір бөлігі агросекторға бағытталса, қалғаны құрылыс пен өнеркәсіп саласына қатысты. Республикалық маңызы бар Aqmola индустриалды аймағында жалпы құны 2 трлн теңгеден асатын инвестициялық жобаларды жүзеге асыру көзделіп отыр. Елордада осындай іргелі істерді сүйемелейтін «Aqmola Invest» өңірлік инвестиция орталығының фронт-офисі ашылды. Орталық «бір терезе» қағидаты бойынша жұмыс істейді. Яғни инвесторларға кеңес беріп, компанияны тіркеуге, жер телімдерін таңдауға жәрдемдеседі.

Астанада шетелдік ірі инвесторларға ыңғайлы бір терезеден өзіне қажетті құжаттарын 1 апта 10 күн ішінде комиссияға дайындап, Көкшетауға жіберуге мүмкіндік бар. Бүгінгі таңда инвесторлардың осы жерге келіп, тіркеліп, бізге өте қолайлы. Себебі олардың бүкіл салықтары осы облыста қалады.  

Мағжан Қыстаубаев, кәсіпкер:

Осы Ақмола инвесттің арқасында белгілі мекемелер ол, банктер болсын, туризмге қатысты салалар болсын, болмаса, техникалық талаптарға байланысты ол бойынша сұрақтар болған. Соның барлығын орталықтандырылған түрде сұрақтарымызды шешіп отырмыз.