Басты Жаңалықтар БҚО-да алпыс жылқы арам өлді

БҚО-да алпыс жылқы арам өлді

09.02.2026 17:30

Батыс Қазақстан облысы Казталов және Жаңақала аудандарында жылқылар тебіндей алмай, аштықтан құлап жатыр.

Казталов аудандық қоғамдық кеңес мүшесі, шаруашылық иесі Нұрболат Әдиетовтің хабарлауынша, Бостандық, Көктерек, Қарасу ауылдық округтерінде 60-тан астам жылқы далада тебінге шөп таба алмай, өлген. Шаруа былтырғы қуаңшылықтың салдары малға қиын тиіп жатқанын айтады. Оның үстіне қар қалың әрі мұздақ жауып, малдың тілерсегі қиылған. Іш тастап, мұзға құлаған. Ал Жаңақала аудандық ветеринарлар 21 бас жылқының өлгенін растады. Қызылоба, Пятимар, Жаңақала ауылдық округтерінде өлген малдың көзі жойылып, акт жасалған. Аса қауіпті ауру белгілері тіркелмеген.

Нұрқайыр Құсайынов, облыстық Ветеринария басқармасы басшысының орынбасары:

Жаңақала ауданында 21 жылқының өлгені туралы мал иелері хабарлаған. Бұл жылқылар негізінен далада жайылымда жүрген. Көтеремдіктен, аштықтан өлгендігі анықталған. Ветеринария туралы заңына сәйкес, мал иелері өздерінің алынған төлдері туралы тіркеуге қою туралы немесе өлген малдар туралы хабарлауға міндетті.

Автор

Ардақ Мұратқызы

Бөлісу