Қысқы Олимпиадада бүгін қандай жарыс түрлері өтті?

Бүгін Италияда өтіп жатқан Олимпиада ойындарының үшінші күні. Дегенмен қазақстандық спортшылар әлі жарыс жолына шыққан жоқ. Қашан шығады? Бұл туралы әріптесім Азамат Бейбітұлы айтады.

Бүгін қысқы Олимпиада ойындарының үшінші жарыс күні болып жатыр. Қазақстандық спортшылар екі спорт түрінен жарыс жолына шығады. Астана уақытымен 21:25-те конькимен жүгіруден жарыс басталады. Онда Надежда Морозова, Елизавета Голубева және Кристина Силаева мың метр қашықтықта бақ сынайды. Бұдан бөлек, шаңғымен тұғырдан секіру бойынша ерлер арасында іріктеу бәсекесі болады. Оған спортшыларымыз Илья Мизерных пен Данил Васильев қатысады.

Ал ертеңгі жарыстардың арасында шорт-трек бар екенін білеміз. Соған орай, Ұлттық құраманың шорт трек спорты бойынша кеңесшісі, жаттықтырушы Мәдіғали ағамыздан сұхбат жазған едік.

Мәдіғали Қарсыбеков, шорт-тректен Ұлттық құраманың кеңесші-жаттықтырушысы:

Қазір Қазақстанның шорт-трегі жоғары деңгейге шықты. Осы Қазақстанда 11 қалада дамып жатыр. Бапкерлердің саны 50-ден асты. «Қазір  Абзалдың арқасында Қазақстан чемпионатында Қазақстан жарыстарында шорт-тректен 80%-ы қазақтар». Тек қана Астана емес, бүкіл Қазақстанда. Қазір өз командамызға сәттілік. Олимпиаданың медалін ғана күтіп отырмыз.