Нипах вирусы: Шекарада бақылау күшейді

Нипах вирусына байланысты Қазақстан шекарасында санитарлық-карантиндік бақылау күшейді. Бұл туралы Денсаулық сақтау министрлігінің баспасөз қызметі хабарлады. Ведомство мәліметінше, Оңтүстік-Шығыс Азияның бірқатар елдерінде Нипах вирусына байланысты эпидемиологиялық жағдайдың нашарлауына орай, Қазақстанның мемлекеттік шекарасы арқылы өтетін барлық өткізу пунктінде бақылау шаралары күшейтілген. Вирус тіркелген елдерден келетін азаматтар жіті тексеріледі. Министрлік медициналық ұйымдардың жоғары дайындық режиміне көшкенін, дәрі-дәрмектер, жеке қорғаныс құралдары мен дезинфекциялық препараттар қоры жеткілікті деңгейде қамтамасыз етіліп жатқанын да жеткізді.