Халық ұсынысы ескеріліп, Конституция жобасына қосымша нормалар енгізілді

Конституциялық комиссияға келіп түскен ұсыныстар мұқият зерделенді. Халық ұсынысы ескеріліп, осыған байланысты Ата заң жобасына қосымша нормалар енгізілді. Бүгін бұл жөнінде Конституциялық комиссияның ХI отырысында айтылды. Енгізілген өзгерістердің бірқатарына Конституциялық сот төрағасының орынбасары Бақыт Нұрмұханов тоқталып, маңыздылығын түсіндірді.

Конституция жобасының 8-бабында меншіктің екі нысаны танылады және тең қорғалады делінген. Олар – мемлекеттік және жеке меншік. Көптеген ұсыныста бұл норманың барлық меншік нысандарын қамтымайтыны айтылған. Осы орайда аталған баптың 1-тармағы  мынадай редакцияға ұсынылады «Қазақстан Республикасында барлық меншік түрі танылады, оларға кепілдік беріледі және тең қорғалады.