Түркістанда көпірді су шайып кетті

Түркістан облысының Сауран ауданында нөсер жауып, Абай мен Көксарай ауылдарын жалғаған жалғыз көпірді су шайып кетті. Тұрғындардың айтуынша, көпір былтыр ғана жөнделген. Сондай-ақ Көксарай елді мекенінде электр бағаналары бүлініп, жарық сөнген. Көрші ауылға қатынап оқитын оқушылар бүгіннен бастап онлайн  оқып жатыр. Аудан әкімдігі ауыл тұрғындары Құмайлықас – Укаш ата бағытындағы айналма жол арқылы қатынай алады дейді. Өзен арнасынан асқан қызыл су сай-салаға жайылып, демалыс аймағына апаратын жолды да шайып кетті.

Мұхтар Қуанышбаев, Сауран аудандық төтенше жағдайлар бөлімінің бастығы:

Абай елді мекенінің тау беткейінде орналасқан «Сәкен тау» демалыс аймағында ауа райының қолайсыздығына байланысты адамдардың қалып кеткені жөнінде 101 телефонына хабарлама түсті. Хабарлама бойынша құтқару көлігімен келіп, құтқару жұмыстары жүргізілді.