Шымкентте әйелдерді аңдыған екі адам қамауға алынды

Шымкентте әйелдерді үздіксіз аңдыған екі адам қамауға алынды. Күдіктінің бірі бұрынғы танысына түрлі нөмірден қоңырау шалып, хабарлама жазып, оның үйі мен жұмыс орнына дейін барып тыныштығын бұзған. Екінші жағдайда қудалау физикалық күш қолдануға ұласып, жәбірленуші дене жарақатын алған. Зардап шеккен азаматшалар полицияға арызданып, сталкинг және ұрып-соғу баптарымен қылмыстық іс қозғалды.

Еркебұлан Ережепов, қалалық ПД бастығының орынбасары:

Күдіктілер жедел түрде ұсталып, қамауға алынды. Қылмыстық істер сотқа жолданды. Полиция мұндай құқықбұзушылыққа жол берген тұлғалар қолданыстағы заңнама аясында қатаң түрде жауапкершілікке тартылатынын ескертеді.