Колумбия су тасқынымен күресуде

Колумбияның солтүстігінде алапат су тасқынымен күрес жалғасып жатыр. Кордоба аймағының Монтерия қаласында көшелер өзенге айналып, жергілікті тұрғындар белуардан су кешіп жүр. Жалпы алғанда, бұл өңірде 27 ауданда 50 мыңнан астам отбасы үйлерін тастап кеткен. Куәгерлердің айтуынша, табиғи апаттан талай елді мекенде үйлер құлап, орасан шығын келді.

Дегенмен билік өкілдерінің мәлімдеуінше, кейінгі 24 сағатта Монтерияда су деңгейі 10-15 сантиметрге төмендеді және де халыққа гуманитарлық көмек жеткізіліп, экономикалық зардап мөлшері анықталып жатыр.