Әлем чемпионатының күміс жүлдегері әскери борышын өтеп жүр

Белгілі қазақстандық конькиші, жастар арасындағы әлем чемпионатының күміс жүлдегері және ел чемпионы Құдайберген Теміржанов бүгінде Алматы гарнизонында әскери борышын өтеп жүр. Ол әскери қызметшілерге кәсіби және цифрлық дағдыларын дамытуға, шет тілдерін үйренуге және жоғары дене дайындық деңгейін сақтауға мүмкіндік беретін «Сарбаз+» жобасы аясында қызмет етеді. Спортшы Қарулы күштер сапындағы қызметін спорттық мансабымен қатар ойдағыдай үйлестіріп келеді. Қатардағы жауынгер Теміржанов қарқынды әскери тәртіпке қарамастан, ортаға тез бейімделген. Әрі спорттағы тәжірибесін әріптестерімен бөлісіп отыратын айтады.

Иә, әрине армия – оңай емес. Ерте тұру, дене шынықтыру дайындығы, саптық дайындық, атыс жаттығулары, далалық жорықтар және тағы басқалар. Бірақ кәсіби спортпен айналысқаныма 13 жыл болғандықтан, мұның бәрі мен үшін аса ауырлық етпейді. Спорт та армия сияқты темірдей тәртіпті талап етеді. Бірақ кім болсаң да Отан алдындағы борышыңды лайықты өтеу маңызды.