Маңғыстау өңірінде қызылша өршіп тұр

Маңғыстауда қызылша ауруы бойынша эпидемиологиялық жағдай тұрақсыз.

Былтыр бір жыл ішінде 170-тен аса адам қызылшамен ауырған болса, биыл бас аяғы бір жарым айда 130 жағдай тіркелген. Науқастардың басым бөлігі 14 жасқа дейінгі балалар әрі 70 пайызы екпе алмаған. Мамандар бұл аурудың 5 жасқа дейінгі балаларға және жүкті әйелдерге өте қауіпті екенін айтады. Сондықтан жыл басынан бері 6 айдан 10 айға және 18 жасқа дейінгі балаларға қосымша вакцина егу жүргізіліп жатыр.

Мұхтар Сербаев, Маңғыстау облыстық санэпидемиологиялық бақылау департаментінің басшысы:

Бұл инфекцияның қауіптілігі - асқынуында. Соның ішінде ең жанағы күрделі асқыну – мидың қабынуы. Мидың қабыруынан ағзада үлкен өзгерістер болып, жүре алмауы мүмкін. Бұл инфекцияның алдын алу біз қайтадан шаршамай айтамыз тек қана вакцина тоқтатады.