Фристайл-могул: Спортшыларымыз финалға өтті

Қазақстандық фристайл-могулшылар Милан-Кортина Олимпиадасының финалына жолдама алды. Юлия Галышаева, Анастасия Городко мен Аяулым Әмренова іріктеудің екінші кезеңінен сәтті өтті. Спортшыларымыз кешегі жарыста үздік ондыққа кіре алмаған еді. Бүгін олқылықтың орнын толтырды. Финал Қазақстан уақытымен 18:15-те басталады. Атлеттеріміз жүлдеге таласу үшін үздік сегіздікке кіріп, супер финалға жолдама алуға барын салады. Осыған дейін дәл осы сайыстың ерлер арасындағы бәсекесінде бақ сынаған Павел Колмоковтың тоғызыншы орынмен тікелей супер финалға өткенін айтқан едік.