Қысқы Олимпиада ойындарының 5-күні

Қазақстандық спортшылар үшін қысқы Олимпиаданың кезекті күні сәтсіз аяқталды. Шаңғы қоссайысынан бақ сынаған Шыңғыс Ракпаров 32-орыннан көрінді. Биатлоншы қыздар да мәре сызығын соңғылардың бірі болып кесті. Бірер минут бұрын фристайлдың могул түрінен жекелей сындағы бәсеке аяқталды. Ұлттық құраманың үш спортшысы супер финалға дейін жеткенімен, шешуші кезеңге өте алмады. Дәл қазір жарыс күнін студиямен Ливиньо қаласынан тікелей байланысқа шыққан әріптесіміз Фархат Қаналы жеткізуге әзір.