Зеленский сайлау уақытын ақпанда жарияламайтынын мәлімдеді

Украина 24 ақпанда президенттік сайлаудың және Ресеймен бейбіт келісім бойынша референдум датасын жариялауды жоспарлап отырған жоқ. Мұны ел басшысы Владимир Зеленский кезекті үндеуінде мәлімдеді. Оның сөзінше, мұндай саяси шараларды Украинада атыс тоқтап, қауіпсіздік кепілдігі берілген жағдайда ғана ұйымдастыруға болады. Айта кетсек, Зеленскийдің 15 мамырда сайлау мен референдум өткізуге дайын екенін бұған дейін Британияның «Файниэншл таймс» газеті хабарлаған еді.