Ресейге адыраспан апарғандар өмір бойғы жазаға кесілуі мүмкін

Ресейге адыраспан әкелгендер өмір бойына бас бостандығынан айырылуы мүмкін. Өйткені бұл өсімдік көрші елде есірткіге теңестірілген. Ресей Федерациясының Қылмыстық кодексіне сәйкес, құрамында есірткі бар өсімдікті әкелгені үшін 1 жылдан 3 жылға дейін бас бостандығынан айыру жазасы қарастырылған. Ал адыраспан көлемі үлкен болса немесе қылмыстық топ тасымалдаса, 1 миллион рубль, яғни 6,5 миллион теңге айыппұл, сондай-ақ өмір бойына бас бостандығынан айыру жазасы тағайындалады. Соңғы екі жылда Ресейге адыраспан әкеліп, түрмеге қамалған шетелдіктердің саны артты. Қанша рет ескерту айтылса да әлі күнге дейін бойтұмарына адыраспан салып өтетіндер қатары азаймай тұр.