Германиядағы шеруден 70 мың жолаушы зардап көрді

Бүгін Германияның «Люфтганза» әуе компаниясының пилоттары мен бортсеріктері 24 сағаттық ереуіл жариялады. Тасымалдаушы мен кәсіподақ арасындағы зейнетақы мәселесіне қатысты даудан көптеген рейс доғарылды. «Рейтер» агенттігінің хабарлауынша, шамамен 70 мыңдай жолаушы зардап шеккен. Қазір «Люфтганза» оларды өзге серіктес компаниялардың рейстеріне ауыстырып жатыр.

Соңғы мәліметке қарағанда, авиациялық компаниямен арадағы келіссөздер қайта жанданған. Бірақ кездесу жиі-жиі тоқтап, әзірге ешқандай нәтиже бермей отыр.