Адвокатура мәртебесі – әділетті қоғам құрудың конституциялық негізі

Адвокатураның мәртебесін Конституция деңгейінде бекіту – әділетті қоғам құру жолындағы маңызды қадам. Бұл бастама адвокаттардың емес, ең алдымен азаматтардың құқықтары мен бостандықтарын қорғауға бағытталған. Жаңа Конституция жобасының 86-бабында адвокатураға жеке баптың арналуы – құқықтық мемлекет қағидаттарын нығайтудың нақты көрінісі. Аталған норма сала мамандарының кәсіби тәуелсіздігін конституциялық деңгейде бекітіп, сот және тергеу жүйесіндегі тепе-теңдікті күшейтеді.

Абзал Бекбосынов, Адвокаттар алқасының адвокаты:

Адвокаттардың құқығын күшейту жайын осы Конституциялық деңгейде енгізуі үлкен өзгерістің бірі. Жаңа Конституцияның жобасында адвокатура мен адвокаттық қызметтің арнайы, жеке бапты енгізудің өзі- мемлекет пен халықтың арасындағы құқықтық көпір.