Алматыда қалың қар жауып, қозғалыс қиындады

Алматыға да қалың қар жауып, көшелерде қозғалыс қиындады. Мегаполисте 10 балдық кептеліс пайда болып, қоғамдық көліктер жүру уақытынан кешігіп жатыр. Шаһардың коммуналдық қызметтері күшейтілген режимге көшті. Тәулік бойы 1300-ден астам техника, 2700-ге жуық маман қар тазалау жұмыстарына кіріскен. Сондай-ақ тұрғын үй аулаларын тазалауға 1700-ден астам жұмысшы тартылды. Ал қауіпті жол учаскелерінде көктайғақтың алдын алу үшін 75 жедел бригада жұмыс істеп жатыр. Бұдан бөлек, қалалық құтқару қызметі 16 техника мен 50 маманды кезекшілікке қойды.