Жамбыл облысында боранда жолда қалғандар құтқарылды

Төтенше жағдайлар қызметі де тыным таппады. Құтқарушылар көлігімен қарға батқан 10-нан аса адамға көмек көрсетті. Әсіресе апаттық-құтқару жұмысы Жуалы және Талас ауданында қарқынды жүрді. Өйткені таулы аумақтардың тас жолдарында 70 см-ге жететін қар жауды. Салдарынан Шақпақ ата ауылы маңында бірнеше жеңіл көлік жолдан шығып кеткен. Ал Қызыл-Арық ауылы маңында жедел жәрдем көлігі қар құрсауынан шығарылды. Айта кетейік, кеше аймақта бір айда түсуі тиіс қар екі күнде-ақ жауып тастады. Салдарынан республикалық жолдарда 2 мыңнан аса көлік кептеліп қалды. Таңға жуық кей бағыттағы жолдар біртіндеп ашыла бастады.