Алаяқтықтың жаңа түрі пайда болды

Алаяқтар кәсіпкерлерді арбауға кірісті. Схема мынадай. Әуелі өздерін салық органдарының қызметкері ретінде таныстырады. Сосын «жаңа салық кодексіне көшуіңіз керек» деп алдап, жеке деректерді біліп алады. Жоспар іске асса, шоттағы ақшаны жымқырып, одан қалды несие рәсімдейді. Мұндай әрекеттер әсіресе Қостанайда көбейген. Облыстық прокуратура күмәнді ақпаратқа иланбай, оның рас-өтірігін «Салық төлеушінің кабинетіне» кіріп, тексеріп алуға шақырады.