Дінаралық диалог: Жаңа кітап таныстырылды

Астанада Мұсылман ақсақалдар кеңесінің және шейх Заид атындағы «Адамзат бауырластығы» сыйлығының Бас хатшысы Мұхаммед Әбделсаламның жаңа кітабы көпшілікке таныстырылды. Іс-шараға Сенат төрағасы Мәулен Әшімбаев, депутаттар, дипломаттар мен дін өкілдері қатысты. Кітап қазақ тілінде жарық көрді. Мәулен Әшімбаев бұл қадам Қазақстанның жаһандық деңгейде бейбітшілік пен келісімді нығайту жолында маңызды рөлге ие екенін көрсететінін атап өтті. Өз кезегінде Мұхаммед Әбделсалам адамзаттың бауырластығын көздейтін бастамаға қолдау білдіргені үшін Қазақстан тарапына алғыс білдірді.