Ерікті болу – ерлік

Әрбір сегізінші қазақстандық ерікті ретінде елдік іске екпін беріп, қоғамға пайдалы іспен шұғылданып жатыр. Сондықтан жаңа Конституция жобасына ««Волонтерлік» ұғымы»  енгізілді. «Бұл жақсылыққа жаны құмар жандарды одан әрі ынталандырады», - дейді белсенділер.  Қазір елдегі еріктілер саны 300 мың адамға жетті. 800-ден аса ұйым бар. Солардың бірі құрамында 15 мыңға жуық мүшесі бар «Жаңа адамдар» жастар қозғалысы. Бұл ұйым қоғамдық өмірге белсенді түрде араласып, түрлі идея ұсынып жүр.

Әлем Әліпбаев, «Жаңа адамдар» жастар қозғалысының мүшесі:

Конституцияға еріктілік мәселесі енгені - қазіргі таңда еріктілердің мемлекет өміріндегі маңыздылығының көрсеткіші. Ал ерікті адам осыған дейін қалай ерікті болып қалды, солай ерікті болып қала береді. Ол адамның өмірлік позициясы. Бүгінгі біздің іс-әрекеттеріміз ертеңгі Әділетті Қазақстан құруға негізгі фундамент болатынына сенеміз.