Қаңтардағы ҰБТ-ға 184 мың талапкер қатысты

Қаңтар айындағы Ұлттық бірыңғай тестілеуді талапкерлердің 75%-ы қазақ тілінде, ал 113 талапкер ағылшын тілінде, қалғаны орыс тілінде тапсырған. Жалпы, өткен айда барлығы 184 мыңға жуық талапкер тестілеуден өткен. Олардың 68%-ы шекті баллды жинаған. Бес пән бойынша орташа балл 64-ті құрады. Ең жоғары нәтиже – 138 балл. Тестке қатысушылардың басым бөлігі «Математика-Физика» бағытын таңдаса, 17 пайызға жуығы «Биология-Химия» пәндерін, сондай-ақ 9,8 пайызы «Шығармашылық емтихан» тапсырған. ҰБТ-ы өткізу барысында 320 ереже бұзушылық анықталған.  198 талапкерден тыйым салынған зат табылып, тестілеуден шеттетілді, ереже бұзғаны үшін 120 оқушы аудиториядан шығарылған.