«Қазгидромет» ауа райын суперкомпьютер арқылы болжай бастады

«Қазгидромет» ауа райын болжауда суперкомпьютерді іске қосты. Енді болжамдар әл-Фараби атындағы Қазақ ұлттық университеті базасындағы жаңа технологияның көмегімен жасалады. Суперкомпьютер атмосферадағы миллиондаған деректі бір мезетте өңдеп, ықтимал өзгерістерді алдын ала анықтайды. Нәтижесінде су тасқыны, боран, дауыл сияқты қауіпті табиғи құбылыстарды ерте ескертеді. Мамандардың айтуынша, бұл – «Қазгидромет» үшін стратегиялық серпіліс. Жаңа жүйе ауа райы болжамдарының дәлдігін арттырып қана қоймай, төтенше жағдайлардың алдын алуға, тұрғындардың қауіпсіздігін күшейтуге және экономикалық шығындарды азайтуға ықпал етеді.