eGov Mobile арқылы әлеуметтік көмекке өтініш беруге болады

eGov Mobile арқылы енді әлеуметтік көмекке өтініш беруге болады. Мобильді қосымшада қызметтің осындай жаңа түрі пайда болды. Жүгіну үшін  қосымшаға кіресіз. «Мемлекеттік қызметтер» деген бөлікті таңдайсыз. Оның ішінде «арнайы қызметтер» деген батырманы басып, «жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау» деген жерді басасыз. Дәл осы жерге өзіңіз жайлы ақпаратты толтырып,  жібересіз. Өтініш 8 жұмыс күніне дейін қаралады. Нәтижесі ұялы телефонға хабарлама ретінде келеді. Осылайша үйден шықпай-ақ, бірнеше минут  ішінде «әлеуметтік көмекке» ұялы телефонмен өтініш беруге мүмкіндік туды. Бұған дейін бұл қызметті тек компьютер арқылы жүзеге асыруға болатын.