Парламенттік реформа мәселесі талқыланды

Осы марафон өтіп жатқан алаңнан әріптесім Оңғар Алпысбайұлы тікелей эфирге қосылуға дайын тұр. Оңғар, дискуссия алаңында дәл қазір қандай тақырып талқыланып жатыр?

Оңғар Алпысбайұлы, тілші:

Жаңа ғана онлайн-марафонның бірінші блогы аяқталды. Соңғы бір сағатта мұнда «Егемендік пен тәуелсіздік бәрінен қымбат» атты ток-шоу, «Парламенттен құрылтайға» атты сараптамалық дискуссия, «Адам мемлекеттік саясаттың ортасында» ток-шоуы өтті. «Таза Қазақстан» бастамасы да көтерілді.

Қазір қасымда Парламент Сенатының депутаты, Конституциялық комиссияның мүшесі Нұрлан Бекназаров тұр. Нұрлан Құдайырұлы, Парламент құрылымы туралы сөз қозғалды. Осы «Парламенттен құрылтайға» формуласының негізгі артықшылығына тоқталып өтсеңіз.

Нұрлан Бекназаров, ҚР Парламенті Сенатының депутаты, Конституциялық комиссия мүшесі:

Иә, жоспар бойынша Құрылтайдың құрамында партия өкілдері ғана болады. Партияның Парламентке ену мөлшері 5 пайыз шамасында қалдырылмақ. Осылайша саяси ұйымдардың арасында бәсекелестік артып, әділ әрі сапалы заң шығаруға жол ашады.