«Құрылтай ықпалы» тақырыбында пікірталас басталды

Қазмедиа орталығында онлайн-марафон жалғасып жатыр. Әріптесім Самал Қабышева сол жерден тікелей қосылуға дайын. Самал, алдағы сағатта қандай мәселелер талқыланады?

Самал Қабышева, тілші:

Онлайн-марафонның алдағы сағаты да қызу талқыға толы болмақ. Жаңа ғана «Құрылтай ықпалы» деп аталатын ток-шоу басталды. Бұл жерде Мәжіліс депутаттары ойларын ортаға салып, заң шығарушы органның негізгі функциялары мен қаншалықты жаңаратынын талқылап жатыр.

Ал тура жарты сағаттан соң сарапшылар волонтерлік қызмет мәселесі туралы пікір таластырады. Еріктілердің ерік-жігері мен еңбегі бағалануы шарт. Сондықтан бұл бастаманың да маңызы орасан.

Сағат соңында «Қоршаған ортаны қорғау – конституциялық міндет» атты сараптамалық дискуссия жоспарланған. Айта кетейік, жаңа Конституция жобасында экологиялық жауапкершілікке қатысты да ауқымды өзгерістер бар.