«Референдум–2026» онлайн-марафоны аяқталуға жақын

Жаңа Ата заң жобасын кеңінен талқылауға арналған «Референдум–2026» онлайн-марафоны аяқталуға жақын. Пікірталас алаңында жаңа құжат - ашық әрі жан-жақты сараланып жатыр. Шара отандық телеарналар мен ірі интернет-порталдардың ресми сайттарында және әлеуметтік желідегі парақшалар арқылы тікелей эфирде көрсетіліп жатқанын еске саламыз. Ұлттық арна әр сағаттың басында тікелей эфирге шығып, арнайы хабар таратты. Бұл онлайн-марафон - әр азаматқа жаңа Конституция жобасымен танысып, ел болашағына қатысты ой-пікірлерді саралауға мүмкіндік беретін ашық қоғамдық диалог алаңы. Пікір алмасулар сағат 18:00-ге дейін жалғасады.