Тарихи-мәдени мұраның Конституциялық құндылықтар жүйесіндегі рөлі талқыланды

Бүгін «SARAP» эксперттік орталығында тарихи-мәдени мұраның Конституциялық құндылықтар жүйесіндегі орны талқыланды. Жиынға қатысушылар тарихи-мәдени мұраның ұлттық бірегейлік пен қоғамдық келісімді нығайтудағы маңызын сөз етті. Сонымен бірге, Конституцияның жаңа жобасында мәдениет пен білімге, ғылым мен инновацияға айрықша басымдық берілгені сөз болды. «Қазақ газеттерінің» бас директоры, Дихан  Қамзабекұлы басты құжаттың жобасында бұрын айтылмаған, қазіргі уақытта ерекше маңызы бар мәселелер қамтығанын атап өтті.

Дихан Қамзабекұлы, «Қазақ газеттері» ЖШС бас директоры:

Біздің тарихи мұраларымыз, археологиялық мұраларымыз басымдығы және оның бүгінгі Тәуелсіздігімізге қызмет ету көрсетіліп отыр. Әрине, мұның бәрі заң тілімен айтылып отыр. Соның ішінде ерекше айтатыны Ата заңның кіріспесінде «Біз байырғы қазақ жерінде мемлекеттілікті нығайта отырып» деп айтылған. Нығайтудың арғы жағында тарихымыз, тағдырымыз, рухани мұра да тарихи мұра да материалдың мұра да тұр.