Заң мен тәртіп: Жастар жазасын өтеушілермен телекөпір арқылы байланысты

Тараз жастары түрмеде жазасын өтеушілермен телекөпір арқылы тілдесті. Сотталғандар бейне байланыс арқылы студенттер мен оқушыларға өз өміріне қатысты өкініштерін айтты.

Қателік пен қатігездік жасап, қылмысқа бармау керектігін түсіндірді. Кейбірі жаза басып, жастық шақтарын қолдан құртқандарын айтты. Облыс прокурорлары «осы шара арқылы жастардың өз болашағына жауапкершілікпен қарау мәдениетін қалыптастырғымыз келді»,-дейді. Жиында қылмыстық жауапкершілікке тарту 14 жастан басталатыны айтылып, бірнеше баптар таныстырылды. Мәселен, есірткі затын сату 20 жылға дейін, ал оны шекара асыру мен адам өлтіру өмір бойына бостандығынан айыруға апарады.

Рауан Қалибек, колледж студенті:

Қазіргі таңда әлемнің алдында бір ғана жол тұр, ол – даму. Даму дегеніміз ол адамның ізденуі, оқуы, спортпен айналысуы жатады. Дамумен айналысатын жастар артық іс, қадамдарға бармайды деген ойдамын, мысалы қылмыстар. Сол үшін өзім секілді жастарды дамуға шақырамын, ізденуге, оқуға.