Италияда қар көшкінінен екі адам қаза тапты

Италияда қар көшкінінен екі адам қаза тапты. Тағы бір адам жараланған. Оның жағдайын дәрігерлер ауыр деп отыр. «Рейтердің» мәліметінше, зардап шеккендердің барлығы Франция азаматтары. Олардың аты-жөні анықталып жатыр. Құтқару операциясына 15 маман қатысқан. Сонымен бірге дәрігерлер, із кесуші иттер мен тікұшақтар, жедел жәрдем көліктері тартылды. Мұның алдында Француз Альпісінде қар көшкіні болып, 3 адам қаза тапқан еді.