Сырғымен жүгіруден Кристина Силаева үздік жиырмалыққа кірді

Италияда өтіп жатқан қысқы олимпиада ойындарының кеше кезекті күні аяқталды. Бірнеше спорт түрлерінен жарысқа қатысқан қазақстандықтардың көрсеткіші жайлы тілшіміз қысқаша шолу жасайды.

Азамат Бейбітұлы, тілші:

Бүгін 6 қазақстандық спортшы төрт спорт түрінен жарыс жолына шықты. Тау шаңғысысынан Александра Скороходова, фристайл-могулдан Павел Колмаков және биатлоннан спортшыларымыз Владислав Киреев пен Әсет Дүйсенов жүлдеге ілікпеді.

Сондай-ақ бүгін сырғымен жүгіруден ең қысқа 500 метрде жүлде сарапқа салынды. Қазақстан атынан өнер көрсеткен Кристина Силаева 18-орын , ал Арина Ильященко 29-орын алды. Өкінішке қарай, Италиядағы Олимпиада ойындарында бұл күні жүлде алмадық. Бірақ, дүбірлі доданың бел ортасына келдік. Алда әлі жарыс көп. Үміт артып отырған талантты спортшыларымыз да аз емес. Сондықтан, спортшыларымызға бірге жанкүйер болайық!