«Ордабасы» футбол клубы жекенің қолына өтті

Шымкенттегі «Ордабасы» футбол клубы жеке инвестордың қарамағына өтті. Келісім қала әкімдігі мен Integra Construction компаниясы арасында жасалды. Клуб президенті болып тәжірибелі спорт менеджері Дархан Қызайбаев тағайындалды. Жекешелендіру аясында басқару тұрақты нарықтық модельге көшіріледі. Жаттығу базасы жаңартылып, жаңа алаңдар салынады. Бұл қадам команданың дамуына жағдай жасап, қалалық бюджетке түсетін жүктемені азайтады. Сонымен қатар «Ордабасы» ұлттық және халықаралық деңгейдегі бәсекеге қабілеттілігін күшейтеді, деп күтілуде.