Кубада электрлі транспорт пен велосипедке сұраныс артты

Отын тапшылығынан зардап шегіп отырған Куба тұрғындары электрлі транспорт пен велосипедтерге ауысып жатыр. Энергетикалық дағдарысқа байланысты кейінгі жылдары мұнда мотоциклдер, квадроциклдер импорты да артқан.

АҚШ президенті Дональд Трамп Кубаны «АҚШ-қа төнген ерекше және төтенше қауіп» деп атап, коммунистік аралдың енді Венесуэла мұнайын ала алмайтынын жариялады. Сонымен қатар Құрама Штаттар Мексика сияқты елдер «Бостандық аралына» отын экспорттаса, олардың тауарларына тарифті өсіретінін ескертті.

Кубаның өзі болса, сейсенбіден бастап шетелдік ұшақтарға авиаотын құя алмайтынын хабарлап отыр.