Түркияда шахтада топырақ көшіп, екі адам көз жұмды

Түркияның Зонгулдак провинциясына қарасты Килимли ауданындағы көмір кенішінде топырақ көшіп, үш адамды басып қалды. Құтқарушылар үйінді астынан жарақат алған бір жұмысшыны шығарып алып, ауруханаға жеткізді. Одан кейін жеті сағатқа созылған құтқару жұмыстарынан соң қалған екі жұмысшының денесі табылды. Топырақ астында қалған жұмыскерлер шахтадағы ауа алмастыру жүйесін тазалап жатқаны белгілі болды. Қазір арнайы комиссия апаттың себебін анықтауға кірісті. Қылмыстық іс қозғалды.