Басты Жаңалықтар Ақтөбе еңбек ұжымдары конституциялық жобаны талқылады

Ақтөбе еңбек ұжымдары конституциялық жобаны талқылады

17.02.2026 13:09

Ақтөбедегі еңбек ұжымдары жаңа конституция жобасын талқылап жатыр. Ақпараттық топ мектеп ұстаздарымен де кездесіп, білім саласына қатысты оң өзгерістер туралы айтып берді.

Жаңа Конституция жобасында білім мен ғылым саласына ерекше мән берілген. Бұл өз кезегінде елдің зияткерлік әлеуетін арттыруға жол ашады, дейді сарапшылар. Жиында құжаттың негізгі бағыттары сараланды. Ұстаздар қауымы референдумға белсенді қатысуға ниетті екендіктерін жеткізді. Олардың айтуынша, жаңа Ата Заң ел азаматтарының сапалы білім алып, құқықтық еркіндігін дамытуға зор мүмкіндік береді.

Раушан Жәлімбетова, ақпараттық топ мүшесі:

Мектепке бардық жаңа, емханаларға түсіндіру жұмыстарын жүргізіп жатырмыз. Бұдан басқа мәжіліс депутаттары келді, солармен бірлесіп. Мен үшін маңыздысы – отбасыға, балаға, ата-анаға деген мемлекет тарапынан нормалар енгізілді. Соның ішінде неке мен отбасының, баланың, ата-ананың мемлекет қорғауында болатыны нақты көрсетілген.

Автор

Жақсыбек Кемал

Бөлісу