Жаңа Конституция жобасы ғылыми ортада сараланды

Жаңа Конституция жобасы - тек құқықтық жаңару емес, тарихи сабақтастықтың жалғасы. Жаңа нормалар әділдік пен бірлікті нығайтып, мемлекеттің басты бағыттарын айқындамақ. Алматыда өткен «Конституциялық реформа: Ұлы Дала мемлекеттілігінің жаңа белесі» деп аталатын дөңгелек үстелге жиналғандар осылай деді. Басқосуда мамандар ел қалыптасуындағы тарихи алғышарттардан бастап, жаңа Конституциялық жоба жайын саралады.
Досбол Байқонақов, тарих ғылымдарының докторы, профессор:

Қазақстан тарихындағы Конституция, олардың басты баптары, негізгі қағидалары - барлығы тұжырымдалып, қазіргі Конституциямен байланысы осы жерде өрбітілді. Өткеннен сабақ ала отырып, біз жаңашылдыққа қадам бастауға ұмтыламыз деп есептейміз. Конституцияның көптеген бабы осы салаға бізді бағыттайды.