АҚШ-тың бірнеше штаты өртпен күресуде

Америка Құрама Штаттарының оңтүстік батысында орман өрті қаулап барады. Жергілікті ақпарат құралдарының хабарлауынша, ұйытқыған желмен бірнеше штатқа тез тараған жалын 58 мың гектар аумақты шарпыған. Қазір үйлерді қорғау үшін тілсіз жаумен күрес жүріп жатыр.

Әзірге құрбандар туралы мәлімет түскен жоқ. Бірақ Техас, Канзас, Колорадо, Нью-Мексика штаттарының кейбір аудандарында қауіпсіз жерге көшу жөнінде дабыл қағылған.